ប្រែសម្រួល៖តារា
មានការបង្ហាញថា Pep Guardiola មានការ “ខកចិត្ត” ជាមួយ Kyle Walker បន្ទាប់ពីគាត់បានទៅជួបថ្នាក់ដឹកនាំ Man City ដើម្បីជំរុញឱ្យមានការចាកចេញពីក្លិប។
ខ្សែការពារវ័យ ៣៤ ឆ្នាំរូបនេះ បានសម្រេចចិត្តស្វែងរកបទពិសោធថ្មីកាលពីខែមុន បន្ទាប់ពីមានរដូវកាលដ៏លំបាកជាមួយជើងឯកព្រីមៀរលីគ ហើយជាលទ្ធផល បានចូលរួមជាមួយ AC Milan។
មុនពេលចាកចេញ Walker បានបើកចិត្តអំពីពេលវេលាដែលគាត់បានប្រាប់ Guardiola អំពីបំណងចង់ចាកចេញពី Cit
y ដោយទទួលស្គាល់ថា “វាមិនមែនជាការសន្ទនាដែលងាយស្រួលនោះទេ”។
ឥឡូវនេះ របាយការណ៍បានអះអាងថា Guardiola មានការខកចិត្តជាមួយខ្សែការពាររូបនេះ បន្ទាប់ពីគាត់បានទៅជួបមេដឹកនាំ City គឺ Txiki Begiristain ដើម្បីជំរុញការផ្ទេរទៅ Milan។
The Athletic បានអះអាងថា គ្រូបង្វឹក City មានអារម្មណ៍ថាគាត់មានទំនាក់ទំនងជិតស្និទ្ធជាមួយខ្សែការពាររូបនេះ ហើយជឿថា Walker គួរតែទៅរកគាត់មុន។
ជារួម Walker បានចាប់ផ្តើមតែ ៩ ប្រកួតប៉ុណ្ណោះក្នុងចំណោម ២៣ ប្រកួតរបស់ City នៅ Premier League ដោយបានផ្តល់ឱកាសឱ្យកីឡាករដូចជា Rico Lewis និងសូម្បីតែខ្សែបម្រើ Matheus Nunes នៅតំណែងខ្សែការពារស្តាំ៕/
